Internacionalización

International Summer School

A International Summer School ofrece cursos intensivos de tres semanas durante o verán, impartidos por profesorado universitario de recoñecido prestixio nos seus respectivos campos de investigación. Os cursos serán en inglés, permitindo ao alumnado a mellora das habilidades nesta língua e a adquisición de vocabulario específico nun entorno coñecido. O seu valor académico é de 6 créditos ECTS, e aqueles con contidos directamente relacionados co Grao en Fisioterapia serán recoñecidos como optativas. Ademais, posúen o valor engadido de poder compartir formación con estudantes doutras nacionalidades, vivindo un entorno multicultural sen saír da UDC.

Máis información: http://www.iss.udc.es/

Mobilidade Profesorado

A UDC, no seu obxectivo de aumentar a súa internacionalización, promove a mobilidade do profesorado, tanto saínte como entrante. Son especialmente destacables as axudas económicas destinadas á internacionalización dos centros e dos departamentos, que permiten a financiación de iniciativas destinadas á creación ou reforzamento de programas que conleven o establecemento de convenios estables entre a UDC e outras institucións de educación superior. O Departamento de Fisioterapia ten participado nas dúas modalidades de intercambio de profesorado, facilitando a varias persoas do corpo docente a estancia en centros internacionais, tanto europeos como iberoamericanos, e recibindo asimesmo a profesorado doutras institucións. (texto introductorio e 2 enlaces)

Mobilidade Alumnado

O Departamento de Fisioterapia, en colaboración coa Facultade de Fisioterapia, leva a cabo diversas iniciativas, como o programa de docencia en inglés, apostando así por levar adiante un proceso de internacionalización importante. Consideramos fundamental para o noso estudantado a vivencia dunha experiencia internacional, xa non so polas evidentes vantaxes de aprendizaxe e práctica dunha língua estranxeira, senón pola adaptación cultural que é preciso facer, tanto aos diferentes planos de estudo como ás diversas abordaxes e achegamentos que os fisioterapeutas doutros países fan aos pacientes. A conciencia das diferencias culturais e a adaptación ás mesmas proporcionan ao estudantado unhas habilidades e competencias interculturais moi proveitosas na sociedade actual, onde a mobilidade por cuestións laborais é cada vez máis frecuente, construíndo realidades multiculturais ás que é preciso saber enfrontarse. Queremos formar profesionais cunha mente aberta, respetuosos coa diversidade e proactivos no seu proceso de aprendizaxe. Por todo isto, tanto dende o Departamento como dende a Facultade, se traballa para poder ofrecer aos seus estudantes a posibilidade de cursar materias da titulación noutras universidades, tanto nacionais como estranxeiras.

• Mobilidade Nacional- Programa SICUE
• Mobilidade Internacional